Podo facelo eu só!




Hospital de Manises


O Hospital de Manises celebrou a conferencia Dano Cerebral Adquirido na infancia. Achegando visibilidade e recursos que organizou a Unidade de Neurorrehabilitación Infantil. Nesta xornada, a terapeuta ocupacional, Sonia de Lama, presentou a guía Podo facelo eu só destinada a traballar a autonomía da vida diaria de nenos con Dano Cerebral que presentan dificultades de movemento en brazos ou mans.

Esta guía, que pode descargarse no enlace  www.hospitalmanises.es/guia-autonomia-ninos-hemiparesia/, está dirixida a pais, profesores ou nenos aos que se lles proporciona unha estratexia para desenvolver habilidades como vestirse ou consellos para facer máis fáciles as actividades diarias. Ademais, a fisioterapeuta Irene Borja ofreceu unha conferencia sobre novas perspectivas en neurorrehabilitación pediátrica baseadas na estimulación basal.

A Unidade de Neurorrehabilitación Infantil está especializada en trastornos do desenvolvemento integrada nun hospital público valenciano que ofrece tratamentos a nenos con Dano Cerebral e Trastorno do Espectro Autista (TEA). Actualmente, a Unidade atende a 25 menores de até 15 anos con Dano Cerebral e 72 nenos con TEA, que son atendidos por un equipo multidisciplinar e interdisciplinar onde se coordina perfectamente o labor médico co terapéutico para mellorar os resultados dos tratamentos que se aplican aos nenos.



Seguinte
« Prev Post
Anterior
Next Post »